爱犬带挈拍广告 江美仪望与狗狗出国旅行

爱犬带挈拍广告 江美仪望与狗狗出国旅行

艺人江美仪连续两年担任猫狗粮品牌的代言人,她笑言多得两只爱犬Teddy及Tina带挈搵真银,自己是“母凭子贵”,一家三口齐齐拍广告。为了今次广告,自封购物狂“狗奴”的美仪特意为爱犬准备了多套战衣出镜﹕“无办法,我锺意shopping,屋企有一个大衣柜放咗Teddy同Tina嘅靓衫,其实阿仔唔喜欢着衫,今次拍摄过程冇扭计,算畀足面我。”

讲到爱犬的表现,美仪说:“我前一晚有同佢哋讲,听日要拍广告影相,一定要乖、要醒目、要笑,唔好失礼妈咪,拍摄嗰朝早,两兄妹好积极,一早起身食早餐,准备出发时,妹妹仲吠我,催我快啲出门口。”

美仪视爱犬如子女,她称最大心愿是将来有机会带爱犬一家三口出国旅行﹕“我觉得人生系由好多快乐嘅回忆组成,自己好希望其中一个回忆,系我同两只狗狗去旅行,因为Teddy同Tina唔会陪到我终老,希望喺佢哋有生之年,能够达成呢个心愿,彼此感受呢份快乐!(你最想同佢哋去边?)紧系去瑞士搵飘零燕啦,去埋巴黎铁塔影张相,哈哈!但比较实际其实去日本,因为当地很好多酒店欢迎主人带动物入住,又可以一齐浸温泉,又会安排宠物膳食,我相信我食少几餐、买少几个手袋、接多几个广告,等疫情过去,到时我应该有能力带Teddy同Tina去日本。”

Leave a Reply

Your email address will not be published. Required fields are marked *