医好黄斑病变 胡枫劲开心:可以睇女仔

医好黄斑病变 胡枫劲开心:可以睇女仔

艺人胡枫中午现身金钟,出席有关老年黄斑病变活动。席间他透露年前自己开始染病:“本来好惊,打针入只眼度喎,所以冇谂住去医,但当知道再咁落去会盲,就勇敢啲病向浅中医。接受咗3支针治疗后,依家精灵咗,可以揸车之馀,又可以睇女仔。”

谈到疫情专心留家抗疫,他坦言休息太耐“身痕”想工作:“真系成日留喺屋企,不过工作嘅嘢我随缘嘅,有得做咪做啰。(取消咗演唱会呀?)依家决定押后到出年6月,到时我89岁嘞。”他坦言身体检查是最大礼物:“啲数字靓仔到不得了!”

谈到老友李香琴患上脑退化症,胡枫说:“好多年前我去探过佢,已经唔认得人嘞,呢个病好危险,社交应酬原来好重要。佢因为跌过先搞成咁,当时我都劝过佢唔好乜都接嚟做啦。(嚟紧出席谭炳文丧礼?)一定会,话晒6、70年朋友。”

Leave a Reply

Your email address will not be published. Required fields are marked *