艺人贪玩整“五一”黄手套?周嘉洛:等公司调查

艺人贪玩整“五一”黄手套?周嘉洛:等公司调查

TVB处境剧《爱.回家之开心速递》演员周嘉洛与邝洁楹在将军澳电视城庆祝剧集今晚播出1,000集。讲到刘丹希望剧集拍足2,000集,周嘉洛笑说:“正,好开心、好期待呢个创举,其实丹爷可能系拍得最多处境剧嘅男艺人,可唔可以参加健力士纪录大全呢,我有谂过,不过斋谂,听讲申请都几麻烦,哈哈。”

上星期三(9日)播出的一集被网民发现剧中有黄色手套以“五一”手势挂于电脑上,有指拍摄该集的导演Justin已辞职,周嘉洛说:“交畀公司调查,听讲仲调查中,Justin嘅离职我得知说法系私人事务辞职,详细唔清楚,唔敢乱讲。(话有艺人贪玩将手套摆成中指手势而演变成事件?)当日我在场,但冇留意手套,亦冇听过呢个讲法,所以等公司调查、处理。(拍剧小心啲留意环境?)每个人都有自己嘅工作岗位,自己好少会牵涉去其他部门,做好自己嘅戏先。”

讲到戏中与她有对手戏的导演Justin离职,邝洁楹说:“佢系我戏里面其中只兵,佢只系客串吓啫。”她又指剧集在黄金时段播出,有很多家长及小朋友收看,故言行举止也要加倍小心。

有份拍摄该集的陈浚霆表示:“我乜都唔知,都想知件事件点,再问吓监制。(影响拍片摄士气?)绝对冇,每日开工时间都好密,基本上都冇时间谂其他嘢,一入到录影厂就即刻埋位拍摄。(话因因有演员贪玩将手套摆成中指引起事件?)当日喺现场,场戏讲我同周嘉洛、李伟健三个人喺外面行入嚟,所以唔知里面发生咩事,同埋已经系一个月前嘅嘢,详细都唔记得。”

Leave a Reply

Your email address will not be published. Required fields are marked *