傅颖当自己系男人 咀足吴千语4个Take!

傅颖当自己系男人 咀足吴千语4个Take!

艺人吴千语与傅颖出席ViuTV剧集《熟女强人》记者会,提到两女在剧中有咀戏,首次拍“女女咀”的千语认为做主动的傅颖应较大压力,又谓两人第一个take是蜻蜓点水:“但导演叫我哋要锡得长啲,所以都拍咗3、4个take,不过都冇尴尬。(现实中试过锡女仔?)有呀,同朋友影相都有试过,同女仔真系冇尴尬,反而同男仔先会尴尬。”

傅颖艳福无边
傅颖又笑言拍时当了自己是男人:“所以依家见到千语都会man啲。”她又透露除了千语外,自己与栢天男都有咀戏:“所以觉得自己好分裂。(边个好咀啲?)梗系千语BB啦。(你今次好好艳福?)所以我先接呢套剧,哈哈。”她又谓与“沙律”张沛乐都有揽戏,笑言与身材劲的对方揽揽很舒服,但就遭对方嫌弃:“试戏时我叫佢挨住我,佢话唔舒服,但我挨落去就好舒服。”

吴千语30多岁结婚
问到千语可会叫男友施伯雄睇两女的咀戏?千语即谓:“会叫身边所有朋友睇,有啲朋友话两个女仔咀戏好正。”提到她之前上载凑BB的相,她笑言:“好多人都问系咪我生,但3个月点生出嚟,我都想生个咁得意嘅BB。(恨生B?)唔想,好忙,冇时间,都冇耐性,玩人哋嘅BB两个钟已系极限。”而提到有传男友买楼筑爱巢,两人打算明年结婚?她即谓:“假嘅,我冇考虑呢件事,依家好多人都系30几岁先结婚,我仲有几年,我有太多嘢想做,好多朋友生咗BB就要放下自己人生一段时间,我想为自己活多一阵。”

Leave a Reply

Your email address will not be published. Required fields are marked *