许芯悦哭诉庄思明攻击 与杨明戏中拖手惹不满:有钱唔係大晒㗎!

许芯悦哭诉庄思明攻击 与杨明戏中拖手惹不满:有钱唔係大晒㗎!

曾在ViuTV节目亮相的许芯悦(Katie),最近与杨明拍摄新戏《时代》,更在戏中饰演情侣,有指同样有份演出的杨明女友庄思明,不满男友与许芯悦拍摄时拖手兼挨心口,所以场场戏都「近距离监视」,而许芯悦则被庄思明的「气场」吓窒,遂私下向友人诉苦。

许芯悦今日(23/9)在荃湾出席活动时便回应事件,接受01访问期间更声泪俱下兼成身震晒极激动:「佢(庄思明)隔住4、5个身位咁望住我,望到我好惊,我只能够唔出声。(同场演员冇察觉到异样?)我谂冇乜人留意到。」

问庄思明有否说过什麽令她觉得不怀好意?她说:「当时冇。(之后有?)我谂我而家唔可以讲太多。(有人叫你唔好讲太多?)报道出咗之后,有人叫我唔好讲嘢,我收到好多呢个人嘅Message,佢係咁闹我,我都只係回覆记者几句咋嘛。」

之后许芯悦愈讲愈激动:「我好惊再俾人人身攻击同埋诅咒!」另外,许芯悦又说:「我觉得人与人之间最紧要係互相尊重!唔係个个都谂住将俾人闹嘅Message俾记者做C1,因为C几多都唔係代表乜嘢,同埋有钱唔係大晒㗎!就算我生得矮做Model都唔係人格差,高度同人格係唔会成正比。」

Leave a Reply

Your email address will not be published. Required fields are marked *