黎耀祥阮兆祥爆娱圈秘闻:好在冇得罪过人!

黎耀祥阮兆祥爆娱圈秘闻:好在冇得罪过人!

“双祥组合”艺人黎耀祥及阮兆祥现身“缤FUN Live”,与缤FUN主播俞咏文直播倾偈。正为节目《双祥见》开工嘅2人,坦言默契愈嚟愈好,阮兆祥大爆黎耀祥怕生保:“熟嘅朋友佢好容易倘开心胸,分享咩都得,但唔熟就会好似隔住幅墙。”

提到节目中玩“揞名爆”大爆圈中秘闻,但2人坦言好在未有因此与人结怨反面,黎耀祥说:“虽然讲到某啲人有缺点,但其实过咗咁耐大家都冇放喺心,就算依家撞番面都冇嘢。”

期间2人忆述曾分别扮演罗文,更即席合唱《激光中》,炒热气氛。而阮兆祥亦重提执黎耀祥二摊拍《溏心风暴》而得奖一事,感谢对方带挈,黎耀祥则大赞阮兆祥实至名归。

有指邓萃雯回巢TVB拍《巾帼枭雄4》,黎耀祥指尚未落实:“有听闻会筹备,暂时未有具体资料,希望会成事,早啲有确实资料再公布。咁我自己都期待嘅,雯女(邓萃雯)系一个好对手,巾帼之后都冇再合作过,同埋我哋嘅化学作用好得意,大家唔系特别熟,但出嚟效果观众又好锺意。”在旁嘅阮兆祥即自荐加入,黎耀祥笑说:“佢可以做我哋个仔。”

Leave a Reply

Your email address will not be published. Required fields are marked *