宝宝大过天|岑丽香产后唔刻意keep都靓爆 分享靓妈13字生活秘诀

宝宝大过天|岑丽香产后唔刻意keep都靓爆 分享靓妈13字生活秘诀

TVB新剧《宝宝大过天》将于下星期一(6月14日)首播,剧集由马国明及岑丽香领衔主演,讲述做人爸爸妈妈,在生活上的矛盾与难关,啱晒一众新生爸妈。此剧也是岑丽香继2018年《果栏中的江湖大嫂》后,阔别了电视机荧幕三年的作品。

岑丽香(香香)接受访问时,表示自己剧中角色是一个新手妈妈,不过性格就有点儿神经质:「现实中我冇佢咁癫,哈哈哈,紧张都会,尤其是係第一个小朋友。拍嗰时我有一个小朋友,所以拍嗰时都未完全了解点解阿妈嘅反应会係咁。」她表示,当时小朋友年龄只有大约一岁,所以还未深刻体验过。她续说:「但係而家我明白啦。」

香香再拍剧,是否代表全面复工?她回答:「我都冇停过,只係break一break,始终有小朋友都会有一段时间唔係好做得嘢,如果有工作我都会继续做,因为我都锺意工作。」问道之后的工作计划,她就坦言要等公司安排。

香香产后修身回覆体态,一点都没有「走样」,相信都令不少妈妈妒忌,但她却说自己身材与往日相差了不少:「其实我啲牛仔裤得一条啱着,真係㗎,我都好想啱返以前啲衫,咁就唔使由头买过。我觉得最紧要健康,慢慢嚟。」

可不可以透露腰围?她笑说:「唔可以,哈哈哈。总之我就係一件裤啱。」问到修身的要诀,香香就表示并不是重点,而是活得健康就可以了。她说:「身体过咗一年经历咗咁多,而家second-half,所以一定唔可以畀太多压力,我有咗之后係冇上咗磅,直至前日先磅一次,因为我唔想关注喺数目。最紧要係开心,慢慢嚟,放过自己。」另一半有没有怨言?她笑说:「佢唔会够胆挂,哈哈。」

Leave a Reply

Your email address will not be published. Required fields are marked *