“东涌罗浩楷”不忿被利用众筹 林作:开玩笑方式抽水

“东涌罗浩楷”不忿被利用众筹 林作:开玩笑方式抽水

曾参加《2021香港小姐竞选》首轮面试,以一身骑呢大妈打扮,再加上“佛手”姿势而成名嘅“东涌罗浩楷”,由于未能入选复试,好多网友都关心佢嘅去向,早前被起底后,佢嘅社交网追踪人数好快增加到4位数,佢都即刻自拍一段片答谢网友,同大家打声招呼,粉丝即刻留言“i love you”、“真系人靓声甜,加油”,非常正面,亦都冇人踩佢!

现年22岁嘅Kirsten,被网民起花名“东涌罗浩楷”,不过佢唔介意成为揶揄对象,反而开心有能力带畀大家欢乐,生性乐天嘅佢,从小就发选美梦,父母是内地、西班牙、菲律宾混血儿,佢于香港土生土长,小学中学都喺香港就读,读大学就喺菲律宾。虽然就读中文学校,但却入读了以英文教学嘅班别,所以佢唔识广东话,最多只识讲“你好”。

而佢中文名其实叫“利爱安”,林作冒认为佢做提名人之后,更帮佢改名为“霍韵璇”,惹起天大误会,不过佢冇嬲林作,但就叫大家唔好信网上众筹一事,表示自己唔识林作,而港姐提名人系佢哥哥,佢唔锺意有人利用佢个名嚟敲诈金钱。

对于Kirsten指利用佢个名嚟众筹,林作回覆东网表示:“本人一直本着开玩笑方式抽水,英文,这叫做trolling,并无恶意,更未至于‘利用他人获利’。事实是,毫无任何人问津众筹,本人也从未邀约Kirsten进行合作,甚至不让绝大部分人打扰她,可以说是倍加呵护的典范。”

林作又称没有他就没有Kirsten:“目前Kirsten成为了本届港姐最受瞩目小姐得主,本人深感欣慰,并不求Kirsten回报,仅仅想和大众讲声:‘系我独具慧眼,在芸芸“高手”中,拣佢出嚟捧嘅。在我出招前,佢并未特别弹出,仍然有另外至少半打友同佢并驾齐驱。我的吹捧,令佢最后单独跑出,我真的很为她感到骄傲。希望第日可以请佢饮茶。而我讲笑的过人之处,在于有时候真假难辨,认真便输了,一分钱没收过,但明眼人从来都知道,本人完全无恶意,她只是获得了名气,欢迎网友指正,但从来无伤大雅,本人从来都系玩得好大嘅,毫无恶意,真心支持,现在成就伟业,成为今年第一个接受专访之佳丽,请问该感谢我还是咒骂我?!没有我,有Kirsten吗!我自此宣布,Kirsten荣获2021年香港小姐竞选最受瞩目小姐奖。’”

Leave a Reply

Your email address will not be published. Required fields are marked *