被郑裕玲亲自“点灯”!郑衍峰紧张到胃抽筋

被郑裕玲亲自“点灯”!郑衍峰紧张到胃抽筋

艺人郑衍峰(Leonard)近日孖郑裕玲(嘟嘟)和孔德贤(Danny),为TVB新节目《识货》做主持,讲到今次获嘟嘟亲自“点灯”做Partner,Leonard自言受宠若惊,仲话其实一直都想有个机会上对方主持嘅节目,但最后点都估唔到系做主持拍档。

佢又自爆合作初期真系好紧张,记者会当日紧张到胃抽筋,要劳烦工作人员帮手买胃药︰“第一日开工就觉得嘟嘟好Nice,成日同我哋倾偈,我同Danny度咗啲Tag都会问佢意见,拍住嘟嘟做节目,某程度上系个越级挑战,但监制同嘟嘟都肯畀机会我,真系好想把握机会做好佢!”

提到新节目系考演员嘉宾嘅销售产品技巧、应变能力同急才,问到做开主持嘅佢系咪难佢唔到?Leonard笑指未必︰“直到节目开始先知道有好多嘢要学,由拣货到同经销商议价、度直播桥、再临场表现等,真系好难!呢次我作为主持都学到好多嘢,同时都替一班参赛者紧张!”

Leave a Reply

Your email address will not be published. Required fields are marked *