做过童星抗压力特高!吴诺弘晒拍拖点滴公开向女友示爱

做过童星抗压力特高!吴诺弘晒拍拖点滴公开向女友示爱

今日(1日)与奥运金牌得主张家朗出战奥运花剑团体赛嘅吴诺弘(Lawrence),曾经以童星身份演出过《心花放》、《最美丽的第七天》和《酒店风云》等多部电视剧,佢喺比赛完结后,跟团队一齐接受无綫独家视像访问。

Lawrence话做全职运动员系儿时梦想,又话做全职运动员都系为咗参加奥运:“都系一步一步嚟,你话有咩驱使我,可能系我想争取更加好嘅成绩。”主持人陈庭欣(Toby)问佢会唔会因为以前拍过无綫剧,有丰富演出经验,而令佢抗压力特高,佢话︰“其实我啱啱好紧张,我前一晚瞓唔到㗎,但我谂都会有啲帮助嘅,因为可能相对地多cam(镜头)嘅时候唔会太惊,场上我紧张,你哋睇唔到啫。”

现年21岁嘅Lawrence除咗有家人支持,原来仲有个女朋友陪伴佢左右,社交网仲有个专属“相簿”,记录低拍拖点滴,包括庆祝情人节、圣诞节,又大晒情侣手机殻,早前佢哋先庆祝完周年纪念,Lawrence公开留言“Love You”,相当Sweet!

Leave a Reply

Your email address will not be published. Required fields are marked *