黎耀祥冲击4夺视帝 姚子羚顶唔住气场嗌紧张

黎耀祥冲击4夺视帝 姚子羚顶唔住气场嗌紧张

视帝黎耀祥、姚子羚、张振朗等主演的TVB台庆剧《拳王》将于11月首播,现身在内地工作的祥仔坦言此剧大家都拍得很辛苦,故能够成为台庆剧都感到开心,他接受东网访问时谓:“打拳呢个题材近年甚少有,希望可以带畀观众新鲜感。”

已贵为3届视帝的他被问到有否信心4夺视帝时,他谦称谓:“都系平常心啦!最紧要系套剧出嚟反应好,争唔争视帝呢啲对我嚟讲冇乜所谓。”

而子羚受访时指此剧以男仔戏为主,笑言戏份没有黎耀祥、张振朗、朱敏瀚、黄子恒一众拳手咁辛苦,她又表示已多年没有跟黎耀祥合作,对上一次合作已经是9年前的《造王者》,她谓:“所以我哋每次同祥哥同场都会好紧张,好想佢可以畀到一啲意见我哋,每次拍前我都会同祥哥倾,有一位咁劲嘅前辈可以跟佢学嘢系开心嘅,我每次落场都会当自己系一张白纸,期待佢可以教我哋,就算佢唔教,我哋喺侧边睇佢拍都会学到一啲嘢!而我今次唔系同佢一对,关系是友是敌咁,好微妙,好有挑战性。”

问到会否看好黎耀祥再凭此剧夺视帝时,子羚谓:“我当然好睇好佢,仲有振朗啦!佢哋都好专业,振朗每次拍擂台戏时都好辛苦,操到好大只,拍完之后见佢又会食番少少朱古力,会好戥佢开心,好明白演员为咗演出付出嘅血与汗,系好感动嘅!”问子羚自己会否望夺视后时,她说:“我冇谂咁多嘢,平常心,最紧要大家锺意套剧,因为台前幕后都好努力!”

Leave a Reply

Your email address will not be published. Required fields are marked *